香港消防处

YouTube

防灾应急你要识 - 「前哨行动」第二阶段经已展开】

消防處喺1月19日展開「前哨行動」，巡查1,500幢目標樓宇，包括大維修中嘅樓宇同埋舊式住用或綜合用途樓宇，測試呢啲樓宇嘅火警警報系統同埋消防栓／喉轆系統。首階段巡查已經完成，結果發現有64幢樓宇欠缺年檢，當中有13幢嘅火警鐘未能正常操作，即係無做年檢嘅樓宇中有20%發現火警鐘有問題！行動中消防處發出約2,500張消除火警危險通知書，就75幢樓宇發出約1,200張傳票並提出檢控。
有見成果顯著，消防處喺4月決定延續「前哨行動」，為期兩年，目標巡查5,000幢目標樓宇，包括圍咗棚網進行緊大維修嘅樓宇同埋舊式住用或者綜合用途樓宇。